--------------------------------------------------------------------------------
أم خماس في الصدارة
قبل ان تقرأ الموضوع لابد ان تتقمص الشخصيات الكرتونية المشهورة
ولا اعتقد ان احدا لا يعرف ان يقلد أصواتهم ,,
فما عليكم سوى قرائتها كما تقرأها هذه الشخصيات ..!!
لنقل فرضا ... إن
أم خماس .............. وصلاوية
أم علاوي ............ وحداوية
أم سعيد ............... جزراوية
أم سلوم ............... مغفية ولاتتذكر شي كعادتها
أم خماس : ها أم علاوي ,, الصدارة للامبراااااااطوووووور!! غربلونا الفجراوية
وطلعو روحنا ..... بس يبنا راسهم ...
أم علاوي : لا يا ام خماس !!! الاهلي ذبحنا .... وذكرنا بالماضي ,,,,
وغربله الله فؤاد خليل مصغر عمره وايد ....!!!
أم خماس : لا لا يا اميييه .... هذا ما فؤاد خلييل ,,, هذا ااخووووه احمدووووووه الذي يلعب بالفريج !!
أم سلوم : الفرييييييج ...!!!! يعني احمدووووه ويانا هنيه ؟؟؟!!!
أم خماس : انطبي واسكتي !!!
أم علاوي : أم خماس بسألش .... ليش ام سعيد فرحانه ويالسة توزع قهوة وكرك !!!
أم خماس : ليش ما درييييتي ان فريقها الجزيرة فاز ورجع للمنافسة ..؟؟!!
أم سعيد : هيييه ,,أشقايل عيل ... أخليكم اتفجون عني وانا يالسه مع دلالي القهوه ...
لا لا يا اختي ...وراكم وراكم ...
أم خماس : أم علاوي ...!!! بلاه ولد مطر نزل مستواااه ...يمكن ميهود !!!
أم سلوم تدخل عرض ,,,,مطر ؟؟!!! مطر بالصيف ...ها ... هذي ام خماس شكلها خرفت ؟؟!!
أم سعيد : لا يا أم سلووووم ... هذا ولد مطر اسماعيل ... انتي الي مخرفه يا لنسايه .
بس والله طر الشبج من الحره والله !!!
أم خماس ... واي فديت العنزي انا .... مع انه وسيم بس ييييب اقواااال وايد ...
ما ادريبه متزوج ولا بعده!!!
أم علاوي: لالالا يا ام خماس ..هذا الريال متزوج بس جنه باكايوكا بعده اعزب !!!
جان بتاخذينه !!!!
أم خماس : لا لا لا لا لا لا هذا عصبي وايد ..!!!!
باجر بيصبحني بكف ..... وبيمسيني بشووووووت !!!
أم خماس : خلونا من هاي الرمسه ,,,,,
أم علاوي ,,,, ادخلي على النت وشوفي شو كاتبين عن المباريات
أم علاوي : اوكي حبيبتي .....
أم علاوي: وي وي وي !!! لا لا لا !!! اف اف اف!!!
أم خماس : بلاج ام علاوي ,,,!!! لا يكون قطعو الشؤووون !!!
أم علاوي : لا لا اكثر !!!
أم سعيد : عيل زادو الايجارات !!!
أم علاوي : اكثر واكثر !!!
أم خماس : بلاج يالطمه .... خبرينا !!!
أم علاوي : الاعضاء طايحيين سب في الثاني .. والشتايم مالهل والي !!!!
وهذا يقووول اندية بوظبي ... والثاني يقول انديه دبي !!!!
وهذا يشكك في الاتحاد ......!!!!
تدخل ام سلوم عرض ::: الاتحاد ...ها ... مسكين ما صعد !!!
ام خماس : انطبي يالنسايه هذا اتحاد الكورة !!!
أم خماس .... لا لا لا يا عيال بلادي ....
ام خماس تدمع عينها ,,, وتوصخ برقعها !!!!
وهي تناشدكم ,,, وتقول .....
يا عيالي خلكم من هذي الرمسه ...والبطوله ما تفرقنا ....
تتذكرون يوم طلعنا مسيره من دبي الى بوظبي نحتفل بقايدنا زايد الله يرحمه !!!
أم علاوي ... تنحط شوي .... هيه والله ما انسى !!!
أم سلووووم : والله ما اذكر شو متغديه ,,,
ام خماس تكمل ... وكيف استقبلونا الشباب والبنات والشيبان والفريخات وعيايز العاصمه ..
وكملو المسيره معانا ...
تتذكرون يوم فز بو راشد طول الله بعمره يووووم اسماعيل يااااب القول !!!وهو من بوظبي
تتذكرون كيف احتظنتنا مدينه زايد ....وكلنا بعلم واحد وهو الامارات
تتذكرون ان العالم يحسدنا كيف الامارات متحده الى يومنا هذا !!!
تتذكرون يوم غنيت دوووويتو مع حريه ...يا منتخبنا ,,, يالغالي
والحين بغني لكم ....
عيشي بلادي ... عاشت بوظبي ودبي والشارقه وعجمان وراس الخيمه والفجيرة ام القيوين وخورفكان !!!
ام سلوم : وقفت تاهيه ... ( المغفيه )
بعد الدموع الجياشه من عيايزنا ...
أم علاوي الوحداويه وأم سعيد الجزراوية :
يا ام خماس لو فزتي بالبطولة والله من القلب بنقول مبروك ....
وان نحن فزنا شو بتقولين يا ام خماس :
ام خماس: بقوووووول لكم ...الغدا والعشا ابلالالالالالالاش من مطبخ ام خماس.
الرئيسية 
